बलिउड अभिनेता सोनू सूद आज (बिहीबार) आफ्नो ४७ औं जन्मदिन मनाउँदैछन्। जन्मदिनको अवसरमा उनले प्रवासी मजदुरका लागि एउटा उपहार घोषणा गरेका छन्।
लकडाउन सुरु भएदेखि नै मजदुरको हकहितका लागि काम गरिरहेका सूदले रोजगारीको व्यवस्था गर्ने घोषणा गरेका हुन्।
सूदले एक वेबसाइट र मोबाइल एप सुरु गर्ने बताएका छन्, जसले रोजगार गुमाएका युवालाई रोजगारी उपलब्ध गराउन मद्दत गर्नेछ। यो एपबाट ३ लाखले रोजगारी पाउने उनले बताएका छन्। यसका लागि उनले अमेजन, एईपीसी, सीआईटीआई, ट्रिडेन्ट लगायत ठूला कम्पनीसँग सम्झौता गरेका छन्।
उक्त एपसँग करिब ५ सय कम्पनी तथा संस्थाहरु जोडिएका छन्, जसले अलग–अलग क्षेत्रमा मानिसहरुलाई नोकरी उपलब्ध गराउनेछन्।
याे पनि...
फिल्मका खतरनाक भिलेन, लकडाउनमा हिरो
लकडाउनमा फसेकाको उद्धार गर्न सोनू सूदले गरे जहाज चार्टर्ड