काठमाडौं– कोरोना भाइरस (कोभिड–१९)को संक्रमण परीक्षणमा ‘र्यापिड टेस्ट किट’ प्रयोग हुन थालेपछि सरकारले यसको प्रयोगमा रोक लगाएको छ।
स्वास्थ्य तथा जनसंख्या मन्त्रालयले ‘र्यापिड टेस्ट किट’को गुणस्तर र प्रभावकारितामा विवाद रहेकाले यसको प्रयोग नगर्न अपिल गरेको हो। मंगलबार मन्त्रालयद्वारा आयोजित पत्रकार सम्मेलनमा बोल्दै स्वास्थ्यविज्ञ डा. खेम कार्कीले विश्व स्वास्थ्य संगठन र सरकारले ‘र्यापिड टेस्ट किट’ प्रयोगमा रोक लगाएको जनाए।
‘र्यापिड टेस्ट किट’को प्रयोग जथाभावी गरेको भन्ने गुनासो आएपछि मन्त्रालयले रोक लगाएको हो। यस्ता किटलाई विश्व स्वास्थ्य संगठनले स्वीकृत नगरेको उनले प्रष्ट्याए।