काठमाडौं- १३ औँ दक्षिण एसियाली खेलकुद (साग) मा सहभागी पाकिस्तानी खेलाडी शक्तिबद्र्धक औषधि सेवन (डोपिङ) प्रकरणमा दोषी पाइएका छन्।
उनीहरु विश्व एन्टी डोपिङ कोड २०१५ र दक्षिण एसिया ओलम्पिक काउन्सिल–एन्टी डोपिङ नियमको दफा ७.१.१ अनुसार उनीहरुलाई ४ वर्षको प्रतिबन्ध गरिएको छ।
निलम्बन हुनेमा एथ्लेटिक्सका स्वर्ण विजेता मोहम्मद नदिम (११० मि. हर्डल) र मेहेबुब अलि (४०० मि.) साथै काश्य विजेता सामी उल्लाह (१०० मि.) छन्।
तीन जनाको टेस्ट गरिएकोमा मोहम्मद र मेहेबुबले पुनः बी नमुना परीक्षण गराएका थिए। दोस्रो टेस्टमा पनि पोजेटिभ आएपछि उनीहरु चार वर्षको प्रबिन्धमा परेका हुन्। उनीहरुलाई सन् २०१३ डिसेम्बर २ तारिखसम्म निलम्बन गरिएको छ।
डोपिङबारे सागमा नियमन गर्ने टोलीले गत जेठमै डोपिङ पोजेटिभ आएको खबर पाकिस्तानलाई पठाएको थियो।
विश्व एन्टी डोपिङ एजेन्सी (वाडा) को नियमअनुसार खेलाडीलाई डोपिङबारे प्रश्न सोधिएको थियो सो प्रश्नबाट पनि उनीहरुले प्रतिबिन्धत औषधि नदिएको प्रमाणित हुन नसकेपछि ४ वर्षको प्रतिबन्ध लागेको हो।
सागमा पाकिस्तानले ३२ स्वर्णसहित १३२ मेडल जितेको थियो। प्रतियोगिता अघिल्लो वर्षको मंसिर १५ गतेबाट २४ गतेसम्म काठमाडौं, पोखरा र जनकपुरमा सञ्चालन भएको थियो।