काठमाडौं–साताको अन्तिम दिन नेप्से दोहोरो अंक घटेको छ । शेयर बजारमा आएका अधिकांश समूहहरुको परिसूचक घट्दा समग्र नेप्से बजार १०.५६ अंक घटेको हो ।
परिसूचक १०.५६ अंक घटेर एक हजार २६७.१८ विन्दुमा पुगेको छ । ‘क’ वर्गको कम्पनीको सेन्सेटीभ इन्डेक्स समेत २.४९ अंक घटेर २६९.२३ विन्दुमा पुगेको छ ।
बिहीबार १६९ कम्पनीको ६ हजार ६५७ कारोबारबाट २१ लाख ९६ हजार ९२६ पटक शेयर खरिद बिक्री हुदा ५७ करोड ३८ लाख २० हजार ९६६ रुपैयाँको कारोबार भएको छ ।
बुधबार नेप्से परिसूचक २.३१ अंक घट्दा ९१ करोड ४६ लाख रुपैयाँ कारोबार भएको थियो ।
नेप्से बजारमा आएका दश समूह मध्ये सबैभन्दा बढी नन लाईफ इन्स्योरेन्स समूहको परिसूचक ६७.०२ अंक घटेको छ ।
त्यसपछि लाईफ इन्स्योरेन्स समूहको परिसूचक २९.०७, हाइड्रोपावर समूहको परिसूचक २१.६४, बैंकिङ समूहको परिसूचक १२.५७ अंक घटेको छ ।
विकास बैंक समूहको परिसूचक ३.८५, फाइनान्स समूहको परिसूचक ०.९६, अन्य समूहको परिसूचक २.५७ र माइक्रोफाइनान्स समूहको परिसूचक ९.४६ अंक घटेको छ ।
यसैबीच होटल समूहको परिसूचक १३.०५ र उत्पादनमुलक समूहको परिसूचक २६.४७ अंक बढेको छ ।