कोकाकोलाको ‘मन खोलौ कोकसँग’ योजना सार्वजनिक

काठमाडौं–कोकाकोलाले ‘सयौं सम्बन्धको कयौं भावना’ नाराका साथ नयाँ योजना ‘मन खोलौ कोकसँग’ सार्वजनिक गरेको छ । नजिकिएको चाडपर्वमा अझ उत्साह थप्ने उद्देश्यले कम्पनीले बुधबार राजधानीमा एक क्यम्पेन गरी उक्त योजना सार्वजनिक गरेको हो ।

कम्पनीले योजनाको स्लोगनको महत्व बुझाउदै भनेको छ, ‘हजारौं सम्बन्धहरुको अनगिन्ति भावनासँग कोक जोडिएको छ ।’

कम्पनीकाअनुसार योजनामा मुख्य गरी १६ विभिन्न मानवीय भावनाहरुलाई समेटिएको छ । जसमा माया, साथ, खुसी, रमाइलो, मित्रता, हौसला, श्रद्धा, मिलन, सहयोग, जमघट र हाँसो रहेको छ । 

कोकाकोला कम्पनीका कन्ट्री डाइरेक्टर अम्बुज सिंहले हरेक व्यक्तिको जीवन र भावनालाई प्रभाव पार्ने अनन्य सम्बन्धहरुलाई आदर गर्न क्याम्पेन सञ्चालन गरेको बताए । ‘कोकको बोतलमा हुने लेबललाई यो दशैँको समयमा मानवीय भावनाहरुलाई पारिवारिक सम्बन्धको नियमिताको रुपमा अंकित गरिएको छ,’ उनले भने ‘पर्वको झल्को दिने विषयवस्तु तथा शब्दलाई सुनौलो बनाइ दिएको छ ।’

वोतलमा राखेका लेबलहरुले आफ्ना प्रियजनहरुमा उत्साह तथा भावनाहरु आदान प्रदान गर्ने अवसर उपलब्ध गराएको छ । आफ्ना ग्राहकहरुलाई मन परेको व्यक्तिसँग भावना बाड्न प्रोत्साहन गर्ने कम्पनीको भनाइ छ । ‘नेपाल भरका कोकाकोलाका ग्राहकहरुलाई चाडपर्वको समयमा अझ बढी स्पेशल बनाउनको लागि कम्पनीले पछिल्लो योजना सर्वजनिक गरेको हो’, कन्ट्री डाइरेक्टर सिंहले भने ।

कार्यक्रममा बोटलर्स नेपालका प्रबन्ध निर्देशक प्रदिप पाण्डेले दशैंमा नया क्याम्पियन घोषणा गर्न पाउदा खुसी भएको बताए । ‘सयौं सम्बन्धका कयौ भावना एउटा ट्याग लाईन मात्र नभई आफ्ना भावनाहरुलाई प्रस्तुत गर्ने तरिका पनि हो जसले सम्बन्धहरुलाई अझ मजबुद बनाउन सकिन्छ,’ उलने भने ।


क्यम्पेनमा प्रियंका कार्कीले आफ्नो ड्राइभरलाई सधै सहयोग गरेकोमा ‘सहयोग’ लेबल भएको कोकको बोतल दिएकी थिइन् । स्वस्तिमा खड्काले अफ्नो श्रीमान् निश्चल बस्नेतलाई ‘निश्चल मायाका लागि’ भन्ने कोकको बोतल दिएकी थिइन् ।

त्यस्तै बस्नेतले श्रीमती खड्कालाई ‘सुख दुखको साथको लागि’ लेबल भएको कोक दिएका थिए । कुटुम्बका ब्याण्ड मेम्बरहरुले एक अर्कालाई अटुट साथको लागि, नदेखिने हौसलाको लागि, सधै खुसि रहेकामा, रमाइला ती जमघटका लागि, चुलबुले मित्रका लागि, तिमी छौ हाँसो छ जस्ता लेबल भएका कोक एक–आपसमा बाडेका थिए ।