मंगलबारदेखि दशैंको अग्रिम टिकट बुकिङ खुल्‍ने

काठमाडौं- दशैंका लागि अग्रिम टिकट बुकिङ मंगलबारबाट खुल्ने भएको छ। नेपाल यातायात व्यवसायी महासंघको बैठकले असोज ९ गतेबाटै टिकट बुकिङ खुला गर्ने निर्णय गरेको महासंघका उपमहासचिव डेकनाथ गौतमले बताए।

यसअघि असोज ५ गतेबाट नै अग्रिम टिकट बुकिङ खुला गर्ने भनिए पनि इन्धनको मूल्य वृद्धि भएपछि यातायात व्यवसायीले बुकिङ रोकेका थिए। 

सरकार र यातायात व्यवसायीबीच ६ असोजमा १० प्रतिशत गाडी भाडा बढाउने सहमति भएको थियो।

सरकारले सिन्डिकेट अन्त्य गर्नेक्रममा यातायात व्यवसायीको रोक्का गरिएको बैंक खाता खोलिदिने आश्वासन दिएपछि व्यवसायीहरु अग्रिम टिकट बुकिङ खोल्न तयार भएका हुन्। 

यो पनि पढ्‍नुहोस‍्, नयाँ भाडादर सार्वजनिक, कहाँ पुग्‍न कति ? (भाडादरसहित)