काठमाडौं- काठमाडौं उपत्यकामा अत्यावश्यक कामबाहेक बेलुका ८ बजेपछि सार्वजनिक तथा निजी सवारी साधन चलाउन नपाइने भएको छ। उपत्यकाका तीनै जिल्ला प्रशासन कार्यालयका प्रमुख जिल्ला अधिकारीहरूको बैठकले मंगलबार यस्तो निर्णय गरेको हो।
'अत्यावश्यक बाहेकका निजी एवं सार्वजनिक सवारी साधन बेलुका ८ बजेभित्र आफ्नो गन्तव्यमा पुगिसक्नुपर्नेछ,' काठमाडौं जिल्ला प्रशासनले जारी गरेको आदेशमा भनिएको छ।
औषधि पसलबाहेकका सबै पसल तथा व्यवसाय बेलुका ७ बजेपछि सञ्चालन गर्न नपाइने समेत प्रशासनले जारी गरेको आदेशमा भनिएको छ।
अनलाइन अर्डर, रेस्टुरेन्ट एवं फास्टफुड तथा अन्य अर्डर सेवा उपत्यकाभित्र साँझ ७ बजेसम्म सञ्चालन गर्न पाइने छ।
परीक्षा सञ्चालन गर्दा २५ जनाभन्दा बढीलाई एकै कोठामा राख्न नपाइनेसमेत आदेशमा उल्लेख गरिएको छ।
यो व्यवस्था साउन २८ गतेबाट भदौ ८ गतेसम्म लागू हुनेछ।