इंग्ल्यान्ड (एजेन्सी)-इंग्लिश प्रिमियर लिग फुटबलमा आज (शनिबार) विभिन्न आठ खेलहरु हुँदैछन् । अघिल्ला पाँच खेलमा शतप्रतिशत जित सहित १५ अंक जोडेको लिभरपुल आफ्नो अपराजित यात्रालाई कायम राख्ने लक्ष्यमा हुनेछ ।
यता, पाँच खेलमा एक मात्र जित निकाल्न सफल साउथह्याम्पटन दोस्रो जितको खोजीमा हुनेछ । यसै साता च्याम्पियन्स लिगमा पेरिस सेन्ट जर्मेन (पिएसजी) लाई हराएको लिभरपुल उच्च मनोबलका साथ मैदान उत्रनेछ ।
लिभरपुलले साउथह्याम्पटनसँग घरेलु मैदानमा बेलुका ७:४५ खेल्दैछ ।
आज हुने पहिलो खेलमा फुलहम र वाट्फोर्डले प्रतिस्पर्धा गर्नेछन् । खेल नेपाली समय अनुसार बेलुका ५:१५ मा सुरु हुनेछ ।
बेलुका ७:४५ बजे साबिकको विजेता सिटीले कार्डिफसँग उसैको मैदानमा खेल्ने छ भने युनाइटेडले घरेलु मैदानमा वुल्भ्ससँग, बर्नेलीले बर्नेमाउथ, क्रिस्टल प्यालेसले न्युकासल युनाइटेड र लेष्टर सिटीले हडर्स्फिल्डविरुद्ध खेल्नेछ ।
टोटेनहमले आजै ब्राइटनको सामना गर्दैछ । ब्राइटनको मैदानमा हुने खेल नेपाली समय अनुसार राति १०:१५ मा सुरु हुनेछ ।
प्रकाशित: Dec 31, 2017| 18:23 आइतबार, पुस १६, २०७४