दाङमा 'होम मेड' पेस्तोलसहित एक जना समातिए

दाङ- प्रहरीले पेस्तोलसहित एक जनालाई नियन्त्रणमा लिएको छ। 

बुधबार राती प्रहरीको नियमीत गस्तीका क्रममा  शंकास्पद गतिविधि गरेको थाहा पाएपछि घोराही उप-महानगरपालीका-१२ बसपार्क निजकैबाट २१ बर्षीय जुन कुमार बुढा नियन्त्रणमा लिएको जिल्ला प्रहरी कार्यालय दाङका प्रमुख प्रहरी उपरीक्षक कृष्णहरी शर्माले जानकारी दिएका छन्। 

बुढालाई खोजतलास गर्दा 'होम मेड' लेखिएको पेस्तोल बरामद गरिएको उपरीक्षक शर्माले बताए। घटनाको थप अनुसन्धान भइरहेको जिल्ला प्रहरी कार्यालय दाङ  जनाएको छ। 
त्यसैगरी आर्इएमओमार्फत २५ लाख चिट्टा परेका भन्दै एकलाख पच्चिस हजार ठगि गर्ने नवलपरासी सुस्ताका परन बहादुर खवासलाई पक्राउ गरी अनुसन्धान भइरहेकोसमेत दाङ प्रहरीले जनाएको छ ।