अछाम- अछामको तुर्माखाद गाउँपालिका–४ चिसिका ६ महिने बालक मुस्कान बयकलाई घरमा सुताइ राखेको अवस्थामा एसिड जस्तै मानिने ‘कोरिसिफ’ क्यामिक्ल अनुहारमा फ्याक्ने महिला पक्राउ परेकी छिन् ।
घटनाको बारेमा जानकारी पाए गत्तै उनको घरमा पुगेको प्रहरी टोलिले उनकै काकी २५ वर्षकी जानकी बयकलाई पक्राउ गरेको हो । मंगलबार उनले एसिड फ्याक्दा बालक गम्भीर घाइते भएका बालकको उपचारको क्रममा मृत्यु भएको छ ।
गम्भीर घाइते बनेका बालक मुस्कानको नेपालगन्ज मेडिकल कलेजमा लैजादा सुर्खेतमा मृत्यु भएको जिल्ला प्रहरी कार्यालय अछामले जनाएको छ । जिल्ला अस्पताल अछाममा अक्सिजन दिनेलगायतका सामान्य उपचारपछि बालकलाई नेपालगन्ज रेफर गरिएको थियो ।
प्रकाशित: Dec 31, 2017| 18:23 आइतबार, पुस १६, २०७४