काठमाडौं- उपराष्ट्रपति नन्दबहादुर पुन औपचारिक भ्रमणका लागि बुधबार चीन प्रस्थान गरेका छन् ।
छेन्दुमा असोज ४ गतेदेखि सुरु हुने ‘१७ औं पश्चिम चीन अन्तर्राष्ट्रिय मेला’मा सहभागी हुन नेपाली प्रतिनिधिमण्डलको नेतृत्व गरेर उपराष्ट्रपति चीन बधबार बिहान चीन प्रस्थान गरेका हुन् ।
असोज ४ गते अन्तर्राष्ट्रिय मेलाको उद्घाटन समारोहलाई उपराष्ट्रपतिले सम्बोधन गर्ने कार्यक्रम छ। उनी ६ दिनसम्म चीन भ्रमणमा रहने छन् । उपराष्ट्रपतिले असोज ४ गते नै चीन भ्रमणका क्रममा उनले वेल्ट एण्ड रोडसम्बन्धी व्यवसायिक समुदायको कार्यक्रमलाई सम्बोधन गर्नेछन् ।
चीनमा रहँदा चीनका उपप्रधानमन्त्री, चिनियाँ कम्युनिस्ट पार्टी (सिपिसी) का सिचुवान प्रान्तका सेक्रेटरी, सरकारी प्रतिनिधिले शिष्टाचार भेट गर्ने कार्यक्रसमेत तय भएको छ। सिचुवानको विकासे परियोजनालगायत विभिन्न क्षेत्रको अवलोकन भ्रमणसमेत गर्ने तालिका रहेको उपराष्ट्रपतिको सचिवालयले जनाएको छ ।
प्रकाशित: Dec 31, 2017| 18:23 आइतबार, पुस १६, २०७४