काठमाडौं–नेप्से बजारमा हरियाली छाएको छ । यस साताको कारोबार भएको पहिलो दिन नेपाल स्टक एक्स्चेन्ज(नेप्से) ११.६९ अंक बढेर एक हजार २५६.५३ विन्दुमा पुगेको छ । नेप्से बजारमा आएका सबै समूहको परिसूचक बढ्दा समग्र नेप्से परिसूचक बढेको हो ।
गएको साताको अन्तिम दिन बिहीबार १४.१३ अंक बढेर एक हजार दुई सय ४४.८४ विन्दुमा पुगेको थियो ।‘क’ वर्गका कम्पनीहरुको सेन्सेटिभ इन्डेक्स समेत २.६६ अंक बढेर २६६.९३ विन्दुमा पुगेको छ ।
आइतबार नेप्से बजारमा १६६ कम्पनीहरुको ८ हजार ९१६ कारोबारबाट ३० लाख ७० हजार २३१ शेयरको खरिदबिक्री हुदा ९१ करोड ५२ लाख ९२ हजार २०४ रुपैयाँ बराबरको कारोबार भएको छ ।
सबै समूह हरियोनेप्से बजारमा अएका १० समूह मध्ये सबै समूहहरु हरियो भएका छन् । जसमा सबैभन्दा बढी लाईफ इन्स्योरेन्स समूहको परिसूचक ४८.५ अंक बढेर पाँच हजार ६२०.७१ विन्दुमा पुगेको छ । बैंकीङ समूहको परिसूचक १३.७१, होटल समूहको परिसूचक ४.३५, विकास बैंक समूहको परिसूचक २०.८९, हाइड्रो पावर समूहको परिसूचक ६.५४ अंक बढेको छ ।
त्यस्तै फाइनान्स समूहको परिसूचक ३.११, ननलाइफ इन्स्योरेन्स समूहको परिसूचक २०.१८, उत्पादनमुलक समूहको परिसूचक २६.५१, अन्य समूहको परिसूचक ०.५४ र माइक्रोफाइनान्स समूहको परिसूचक ८.३१ अंक बढेको छ।
प्रकाशित: Dec 31, 2017| 18:23 आइतबार, पुस १६, २०७४