फाइल तस्बिर
सुर्खेत– हुम्लामा शनिबार गएको पहिरोमा परी दुई जनाको मृत्यु भएको छ । चार जना घाइते भएका छन्। एक वेपत्ता छन् ।
चंखेली गाउँपालिका–६ को नेक्पामा गएको सुख्खा पहिरोका कारण बसन्तीराम तामाङ्ग र अनिता तामाङ्गको मृत्यु भएको जिल्ला प्रहरी कार्यालय हुम्लाले जानकारी दिएको छ ।
त्यस्तै पहिरोमा चार जना घाइते भएका छन् । घाइते हुनेहरुमा अस्तिा तामाङ्ग, विनिता तामाङ्ग, हेमन्त तामाङ्ग र युकेस तामाङ्ग छन् । जसमध्ये हेमन्त तामाङ्ग र विनिता तामाङ्गको स्वास्थ्य अवस्था निकै नाजुक छ ।
उनीहरुलाई थप उपचारका लागि नेपालगञ्ज लगिएको निमित्त प्रहरी नायव उपरिक्षक गिन्द्र बोगटीले जानकारी दिए ।
अन्यको जिल्ला अस्पताल हुम्लामा उपचार भैरहेको र वेपत्ताको खोजी कार्य जारी रहेको प्रहरीले जानकारी दिएको छ ।
प्रकाशित: Dec 31, 2017| 18:23 आइतबार, पुस १६, २०७४