बार्सिलोनाले रियललाई रोक्ला ?

बार्सा (एजेनसी)-बार्सिलोनाले शनिबार ला लिगामा आफ्नो चौथो खेलका रुपमा रियल सोसिडाडको सामना गर्दै छ । सिजन २०१८-१९ को तीन खेल खेली सक्दा सम्म कुनै पनि खेल नगुमाएको बार्सिलोनाले यस खेलमा भने कस्तो प्रदर्शन प्रस्तुत गर्ला । त्यो बार्सि समर्थकका लागि चासोको बिषय बनेको छ । 

आजको खेल जिते बार्साको जित हाल सम्मको शतप्रतिशत बन्ने छ । बार्सिलोनाले सोसिडाडको घरेलु मैदान एनोएटामा उसैको सामना गदै छ । खेल नेपाली समय अनुसार राती ८ बजे शुरु हुने छ ।

बर्साले पछिल्लो खेलमा नव प्रवेशी हुएस्कालाई आफ्नो घरेलु मैदान क्याम्प नाउमा ८-२ को फराकिलो अन्तरले पराजित गरेको थियो । ३ खेलबाट ९ अंक जोडेको बार्सिलोना शीर्ष स्थानमा छ । सोसिडाडले ३ खेलबाट ४ अंक जोडेको छ । 

लिगमा बार्साको सबै भन्दा ठुलो प्रतिद्धन्द्धी रियल मड्रिड पनि तीन खेलमा शतप्रतिशत जितमा छ । आजै राति रियल मड्रिडले एथलेटिको बिल्बाओसँग खेल्नेछ । एथलेटिकोको मैदानमा हुने खेल नेपाली समय अनुसार १२:३० बजे सुरु हुनेछ ।