निलम कार्कीको 'योगमाया' लार्इ मदन पुरस्कार र शान्तदासलार्इ जगदम्बाश्री 

काठमाडौं- मदन पुरस्कार गुठीले ०७४ सालको मदन पुरस्कार साहित्यकार निलम कार्कीको उपन्यास 'योगमाया' लार्इ प्रदान गर्ने भएको छ। यस्तै, जगदम्बाश्री पुरस्कार शान्तदास मानन्धरलार्इ प्रदान गर्ने निर्णय गरेको छ। 

गुठीको सोमबार बसेको बैठकले उक्त निर्णय गरेको गुठीका अध्यक्ष कुन्द दीक्षितले हस्ताक्षर गरेको प्रेस विज्ञप्तिमा उल्लेख छ। 

मदन पुरस्कार वर्षभर प्रकाशित उत्कृष्ट कृतिमध्ये एक कृतिलाई र जगदम्बाश्री नेपाली भाषा, संस्कृति, साहित्यलगायत विविध क्षेत्रमा विशेष योगदान दिएवापत प्रदान गरिन्छ। शान्तदास मानन्धर विकास, विस्तार र प्रबर्द्धनमा पाँच दशकदेखि सक्रिय व्यक्तित्व हुन् ।

२०७४ को मदन पुरस्कारका लागि निहारिकाको योगमायासहित उपन्यासहरू सरस्वती प्रतीक्षाको नथिया, तीर्थ गुरुङको पाठशाला, ध्रुवसत्य परियारको कथा संग्रह कैरन तथा गैरआख्यान कृतिहरू मोहन वैद्यको हिमाली दर्शन, नयनराज पाण्डेको यार, यज्ञशको भुइँया र राज माङ्लाकको कविता संग्रह लिम्बुनी गाउँ छनोट भएका थिए।

२०१२ सालमा रानी जगदम्बाले स्थापना गरेको मदन पुरस्कार पहिलोपटक ०१३ सालमा हाम्रो लोक संस्कृतिका लागि सत्यमोहन जोशीलाई प्रदान गरिएको थियो भने ०४५ सालमा रानी जगदम्बाको निधनपछि उनको सम्झनास्वरूप जगदम्बाश्री पुरस्कार घोषणा गर्न थालिएको हो। दुवै पुरस्कारको राशी २/२ लाख रुपैयाँ छ।