दाह्रीजुङ्गा फुलिसकेका एक वृद्ध तर साहसी सिपाही हुन् उनी। ७५ वर्षको उमेरमा पनि उनी अफगानी जनतालाई तालिवानको आतंकबाट बचाइरहेका छन्।
यो अभियानमा उनी एक्ला छैनन्। सेनाको जत्थालाई पनि तयार पारेका छन्। अफगानिस्तानको रक्षाका लागि लागिरहेका ७५ वर्षीय मोहम्मद स्माइल खान यतिबेला तालिवानले कब्जा जमाइरहेको हेरातको सुरक्षामा खटिएका छन्।
अफगानिस्तानमा अहिले उनलाई 'बूढो बाघ'को संज्ञा दिइएको छ। तालिवानको आतंक र ज्यादतीबाट आजित बनेका अफगानीलाई उनले लड्न, भिड्न सिकाइरहेका सहासी र वृद्ध भएकाले उनलाई यो नाम दिइएको हो।