अब कर्णाली प्रदेश पनि डिजिटल

सुर्खेत– कर्णाली प्रदेश सरकारले आजदेखि डिजिटल प्रर्णाली अर्थात म्याक बुक वा कम्प्युटर प्रविधि अपनाएको छ । सिंगो कर्णाली प्रदेशलाईनै डिजिटल बनाउने उद्देश्यका साथ प्रदेश सरकारको मन्त्रीपरिषद बैठकले शनिबारदेखि नै डिजिटल प्रर्णाली अपनाएको हो । 

‘आजदेखिनै मन्त्रिका कार्यालयहरुमा पनि ‘पेपरलेस’ प्रक्रिया सुरु भएको छ ।’ कर्णाली प्रदेशका प्रबक्ता एवम् भूमि व्यवस्था कृषि तथा सहकारी मन्त्रि विमला केसीले भनिन् । ‘प्रदेशलाई नै डिजिटल बनाउने उद्देश्य अनुरुपनै हामीले इ–क्याविनेट प्रर्णाली अपनाएको हौ ।’ 

कामलाई छिटो छरितो बनाउन र कागजलाई विस्थापित गर्न डिजिटल प्रर्णाली अपनाइएको केसीको भनाई छ । ‘विषयगत मन्त्रालयले ल्याउने प्रस्तावहरु पनि डिजिटल हुनेछन् ।’ मन्त्रि केसीले भनिन् ‘एउटा प्रस्ताव ल्याउँदा ७ वटा प्रिन्ट गर्नुपथ्र्यो, केही सुधार गर्नुपरेमा सबै खेर जान्थ्यो ।’ अबदेखि कर्णाली प्रदेश सरकारका मन्त्रीहरुले हरेक निर्णय पेपरको सट्टा म्याक बुकमा गर्नेछन् ।