जाजरकोटमा खोलाले बगाएर २ जनाको मृत्यु

जाजरकोट- खोलाले बगाएर जाजरकोटमा दुई जनाको मृत्यु भएको छ । 

मृत्युहुनेमा जाजरकोट जुनिचाँदे गाउँपालिका-४ लुहादहका ६ वर्षीय महेश चदारा  र भेरी नगरपालिका-१ डौरीकाँडाकी १५ वर्षीया पुष्पा चदारा रहेका छन् ।

अभिभावकसँग घरबाट कोर्ताङ जाने क्रममा बडा खोलाले बगाई महेशको मृत्यु भएको जिल्ला प्रहरी कार्यालय जाजरकोटले जनाएको छ । 

यसैगरी मिलमा मकै पिसाउन जाँदा दारखोला तर्ने क्रममा खोलाले बगाई पुष्पाको मृत्यु भएको प्रहरीले बताएको छ ।