लण्डन-इंग्लिस प्रिमियर लिगमा चेल्सीले आर्सनललाई पराजित गरेको छ । गए राति स्टामफोर्ड ब्रिजमा भएको खेलमा घरेलु टोलीले आर्सनललाई ३-२ गोल अन्तरले पराजित गरेको हो ।
खेलको ९ औ मिनेटमा पेड्रोको गोलमार्फत चेल्सीले अग्रता लिएको थियो । एलान्सोको उत्कृष्ट क्रसमा पेड्रोले गोल गर्दै घरेलु टोलीलाई अग्रता दिलाएका थिए । अल्भारो मोराटाले २० औ मिनेटमा चेल्सीको अग्रतालाई दोब्बर पारे ।
तर, चार मिनेटको अन्तरमा दुई गोल गर्दै आर्सनल खेलमा फर्किएको थियो । हेनरिक मिखीटेरीयनले ३७ औ मिनेटमा गोल गर्दै आर्सनललाई २-१ को स्थितीमा पुर्याएका थिए । उनैको पासमा ४१ औ मिनेटमा एलेक्स ओबीले गोल गर्दै खेल बराबरीमा ल्याए ।
६१ औ मिनेटमा बेल्जियमका स्टार इडेन हजार्ड मैदान छिरेपछि चेल्सीले खेलमा पकड बनायो । उनै हजार्डको पासमा ८१ औ मिनेटमा मार्कोस एलोन्सोले गोल गर्दै चेल्सीलाई महत्वपुर्ण तीन अंक दिलाए ।
प्रकाशित: Dec 31, 2017| 18:23 आइतबार, पुस १६, २०७४