काठमाडौं- नेपाली राष्ट्रिय क्रिकेट टिमका कप्तान पारस खड्का एक्सपर्ट एजुकेशन एण्ड भिसा सर्भिसेजको ब्राण्ड एम्बेसडरमा नियुक्त भएका छन्।
राष्ट्रिय क्रिकेट टिमका कप्तान खड्का एक्सपर्ट एजुकेशन एण्ड भिसा सर्भिसेजको ब्राण्ड एम्बेसडरमा ३ वर्षका लागि नियुक्त भएका हुन्। उनलाई मंगलबार एक कार्यक्रमको आयोजना गर्दै एक्सपर्ट एजुकेशन एण्ड भिसा सर्भिसेजले आफ्नो ब्राण्ड एम्बेसडरमा नियुक्त गरेको हो।
सम्झौतापत्रमा सर्भिसेजका सिईओ सन्जिब शर्मा र कप्तान पारसले हस्ताक्षर गरे पनि ब्राण्ड एम्बेसडरबापतको रकम भने खुलाईएको छैन।
नेपाललाई एकदिवसीय अन्तर्राष्ट्रिय मान्यता दिलाउन सफल भएको र घरेलु प्रतियोगितामा समेत उत्कृष्ट प्रदर्शन गरिरहेको कारण पारसलाई ब्राण्ड एम्बेसडरका लागि चयन गरेको एक्सपर्टले जनाएको छ। एक्सपर्टले विगत ३ बर्षदेखि नेपाली क्रिकेटको उत्थान र विकासका लागि स्कुल प्रिमियर लिग र कलेज प्रिमियर लिग गर्दै आइरहेको छ।
प्रकाशित: Dec 31, 2017| 18:23 आइतबार, पुस १६, २०७४