जनकपुरधाम- तत्कालीन नेकपा माओवादी केन्द्रका एकजना पोलिटब्युरो सदस्यलाई प्रहरीले मंगलबार जनकपुरबाट पक्राउ गरेको छ । प्रहरीले माओवादी केन्द्रका तत्कालीन पोलिटब्युरो सदस्य श्याम यादवलाई पक्राउ गरेको हो ।
यादवलाई हातहतियार तथा खरखजानासम्बन्धी एक मुद्दामा पक्राउ गरिएको धनुषाका प्रहरी उपरीक्षक गोविन्द थपलियाले जानकारी दिएका छन्। प्रहरीको खोजी सूचीमा रहेका यादवलाई जिल्ला प्रहरी कार्यालय धनुषाको परिसरबाट पक्राउ गरिएको थपलियाले बताए ।
थपललियाका अनुसार जिल्ला अदालत धनुषाले हातहतियारसम्बन्धी मुद्दामा दोषी ठहर गरी यादवलाई गत वर्ष फागुनमा पक्राउको आदेश दिएको थियो । प्रहरीको फरार सूचीमा रहेका यादव जिल्ला प्रहरी कार्यालय पुगेकोबेला पहिचान भएपछि पक्राउ गरिएको प्रहरी उपरीक्षक थपलियाले बताए ।
पछिल्लो प्रतिनिधिसभा निर्वाचनको क्रममा गोली प्रहार हुँदा सर्लाहीमा एक प्रहरी जवान र एक म्यादी प्रहरीलाई घाइते भएका थिए । प्रहरीमाथि गोली चलाउने व्यक्तिलाई प्रहरीले नियन्त्रणमा लिई मुद्दा चलाएको छ ।
यादवले आफूलाई हतियार उपलब्ध गराएको बयान दिएको आधारमा उनलाई पक्राउ गरिएको जिल्ला प्रहरी कार्यालय धनुषाले जनाएको छ ।
प्रकाशित: Dec 31, 2017| 18:23 आइतबार, पुस १६, २०७४