काठमाडौं- प्रधानमन्त्री केपी शर्मा ओलीले मुस्लिम धर्म मान्नेहरुको महान चार्ड बकर इदमा सार्वजनिक बिदा दिने आश्वासन दिएका छन् ।
मुस्लिम समुदायको सबैभन्दा ठूलो पर्व बकर इदमा सार्वजनिक बिदा दिन सरकारको ध्यानाकर्षण गराउन प्रधानमन्त्री निवास बालुवाटार पुगेको राष्ट्रिय मुस्लिम संघर्ष गठबन्धनसँगको भेटमा प्रधानमन्त्रीले बिदा दिने आश्वासन दिएको गठबन्धनका संयोजक शमीम मियाँ अन्सारीले जानकारी दिए ।
सरकारलार्इ बिदाको लागि दबाब दिन पुगेको राष्ट्रिय मुस्लिम संघर्ष गठबन्धनले प्रधानमन्त्रीलार्इ ज्ञापन पत्र बुझाउँदै बकर इदमा सार्वजनिक बिदा दिन ध्यानाकर्षण गराउँदा प्रधानमन्त्रीले बिदा दिने आश्वासन दिएको अन्सारीले बताए ।
सरकारले बकर इदको बिदा कटौती गरेपछि मुस्लिम समुदाय रुष्ट हुँदै सरकारलार्इ दबाब दिन विभिन्न संघर्षका कार्यक्रम गर्दै आएकोछ । मुस्लिम समुदायको महान पर्व बकर इद आगामी भदौ ६ गते पर्छ ।
प्रकाशित: Dec 31, 2017| 18:23 आइतबार, पुस १६, २०७४