काठमाडौं- प्रमुख प्रतिपक्षी दल नेपाली कांग्रेसका नेता तथा सांसद गगन कुमार थापाले सरकारको कार्यशैलीप्रति व्यङ्ग्य गर्दै काठमाडौंका खाल्डा पुर्ने गजबको आइडिया दिएका छन्।
संसदको सोमबारको बैठकको शून्य समयमा बोल्दै गगनले काठमाडौंमा खाल्डा पुर्न प्रधानमन्त्रीले पटक-पटक निर्देशन दिएपनि काम नभएको बताए। उनले यही अगष्ट ३० र ३१ तारिखमा काठमाडौंमा हुने विमिस्टेक सम्मेलनका लागि आउने विदेशी पाहुनाहरुलाई एउटै होटलमा नराख्न सरकारलार्इ आग्रह गरेका छन्।
उनले भने, ‘पाहुनाहरुले सडकमा भएको खाल्डो, हिलो देखेभने इज्जत जाने मान्यतालाई आत्मसाथ गर्दै हाम्रो सरकारले रातारात खाल्डो पुर्नेछ र वेथिती हटाउनेछ भन्नेमा म पूर्णत विश्वस्त छु।’
काठमाडौंमा वर्षातको समयमा हुने ठुला-ठुला खाल्डाका कारण दुर्घटना हुने गरेको छ भने कयौं स्कूले बालबालिकाले अकालमा ज्यान गुमाएका छन्।
प्रकाशित: Dec 31, 2017| 18:23 आइतबार, पुस १६, २०७४