काठमाडौं–अबैध रुपमा मुगाको कारोबार गदै आएका यमनी नागरीक अल आर्सीम मोहामीलाई महानगरीय प्रहरी परिसर काठमाडौंले पक्राउ गरेको छ ।
काठमाडौको ठमेलस्थित होटल ‘काठमाडौं ईन’को कोठा न. १०५ मा बस्दै आएका मोहामीलाई विषेश सुचनाको आधारमा पक्राउ गरेको प्रहरी परिसरले जनाएको छ ।
मोहामीसँगै उनको कारोवारमा सहयोगगर्ने जुम्ला सिजापोखरी ३ का नविन चौलागाई तथा मुगु घरभई काठमाडौंको बौद्धमा बस्दै आएका ग्याल्पु तामाङ पनि पक्राउ परेका छन ।
उनिहरुको साथबाट ८ केजी मुगा पाँच हजार दुई सय तीन अमेरीकी डलर १५ हजार यमनी मुद्रा , सातसय पचास ईजिप्ट मुद्रा, दुईसय ६० थाईल्याण्डको मुद्रा लगायत बरामद गरिएको परिसरले जनाएको छ ।
उनीहरुलाई थपअनुसन्धान तथा कारवाहीको लागी राजस्व अनुसन्धान विभाग हरिहर भवन पठाईएको छ ।
प्रकाशित: Dec 31, 2017| 18:23 आइतबार, पुस १६, २०७४