विष्णुडोलमा खस्यो बस

ललितपुर-लगनखेलबाट लुभु जाँदै गरेको बस विष्णुडोलमा दुर्घटना भएको छ ।
 
५० बढी यात्रु लिएर जाँदै गरेको बा३ख ७४८० नम्बरको बस अबिरल वर्षापछि आएको बाढीले कमजोर बनाएको सडकमा खसेको हो । साघुँरो सडकमा मोटरसाइकललाई साइट दिनेक्रममा सडकबाट खसेको हो । 

बसमा रहेका यात्रु सकुशल रहेको प्रहरीले जनाएको छ । खसेको बसबाट यात्रुहरु झ्यालबाट बाहिर निस्किएका थिए । 



ग्वार्को-इमाडोल हुँदै लुभु जाने सडक गोदावारी खोलामा आएको बाढीले अवरुद्ध भएपछि वैकल्पिक बाटोका रुपमा ग्वार्को-सानोगाउँ-विष्णुडोल हुँदै लुभु जाने कच्चि बाटोलाई प्रयोग गर्ने गरिन्छ । यो बाटो साँघुरो भएकाले ठूलो गाडी दुर्घटनामा परेको स्थानीयले बताएका छन् । 

यसैबीच रातभरको वर्षापछि महालक्ष्मी नगरपालिकाको लुभुस्थित गोदावरी खोलामा आएको बाढीले गोदावरी खोला तर्दै गरेको कार नै बगाएको छ । 
कारलाई बाहिर निकाल्न प्रहरीले प्रयास गरेपनि उक्त कार नदीमै अड्किएको अवस्थामा छ ।

तस्बिर : सनम महर्जन