काठमाडौ- राष्ट्रिय प्रजातन्त्र पार्टी (राप्रपा) ले संसदीय सुनुवाइ समितिले प्रधानन्यायाधीश पदमा प्रस्तावित दिपकराज जोशीलाई अयोग्य ठहर्याई अस्वीकृत गरेको घटनाले संवैधानिक जटिलता ल्याउने बताएको छ।
जोशीलाई प्रधानन्यायाधीशमा अयोग्य ठहर्याउने घटना नेपालको संसदीय र न्यायिक अभ्यासमा नौलो परिघटना भएको भन्दै राप्रपाले प्रस्तावित व्यक्तिको योग्यता, दक्षता र क्षमताको मुल्याङ्कन गर्ने र निर्णय गर्ने क्षेत्राधिकार समितिको भएपनि संवैधानिक परिषदले गरेको सिफारिस अस्वीकृत हुनुले संवैधानिक अङ्गमा नियुक्तिको पद्धति नै त्रुटिपूर्ण र असफल प्रमाणित भएको निष्कर्ष निकालेको छ।
राप्रपा प्रवक्ता मोहन श्रेष्ठले शुक्रबार विज्ञप्ती जारी गर्दै आगामी दिनमा कैयन संवैधानिक र राजनीतिक जटिलता सिर्जना गर्ने धारणा सार्वजनिक गरेको हो।
प्रकाशित: Dec 31, 2017| 18:23 आइतबार, पुस १६, २०७४