काठमाडौं- प्रधानमन्त्री केपी ओलीले भानुभक्त ढकाल कानून, न्याय तथा संसदीय व्यवस्था मन्त्री नियुक्त गरेका छन्।
नेपाल कम्युनिस्ट पार्टी (नेकपा) का सांसद ढकाललार्इ शुक्रबार बिहान नियुक्त गरेको हो। उनको अपरान्ह सपथ छ।
बंगलादेशमा एमबीबीएस अध्ययनरत नेपाली छात्राहरुबारे दिएको अभिव्यक्तिका कारण विवादमा परेपछि तत्कालीन कानून मन्त्री शेरबहादुर तामाङले राजिनामा दिएका थिए।
यस्तै राज्यमन्त्री पद्मा अर्याललार्इ भूमि व्यवस्था तथा गरिबी निवारण मन्त्रीको जिम्मेवारी दिइएको छ। स्वास्थ्य राज्यमन्त्रीको जिम्मेवारी भने संघीय समाजवादी फोरमका डा सुरेन्द्र यादवले पाउने छन्।
प्रकाशित: Dec 31, 2017| 18:23 आइतबार, पुस १६, २०७४