काठमाडौं- राष्ट्रिय परीक्षा बोर्डले कक्षा १२ को परीक्षा स्थगित गर्ने निर्णय गरेको छ।
स्वास्थ्य तथा जनसंख्या मन्त्रालयले १२ कक्षालगायतको परीक्षा स्थगित गर्न गरेको सिफारिसका आधारमा शनिबार बसेको बोर्डको बैठकले परीक्षा स्थगित गर्ने निर्णय गरेको हो।
बोर्डको बैठकले आगामी साउन ३१ गतेदेखि भदौ ९ गतेसम्म हुने भनिएको कक्षा १२ को परीक्षा स्थगित गरेको शिक्षा, विज्ञान तथा प्रविधि मन्त्रालयले जनाएको छ।
अब परीक्षा हुनुभन्दा १५ दिनअघि सूचना दिएर अर्को मिति तोकिने भएको छ।