काठमाडौं- इटालियन क्लब युभेन्टसले पोर्चुगल स्टार क्रिष्टियानो रोनाल्डोलाई आज (सोमबार) सार्वजनिक गर्ने भएको छ। युभेन्टसले आज अनुबन्ध सम्झौतासहित रोनाल्डोलाई सार्वजनिक गर्ने भएको हो।
क्लबसँग सम्झौता गर्न रोनाल्डो आइतबार नै इटालीको टुरिन पुगिसकेका थिए। पोर्चुगलका कप्तान रोनाल्डोलाई यसै साता ११२ मिलियन युरोमा इटालियन क्लब युभेन्टसले भित्राएको हो। रोनाल्डोले युभेन्टससँग हरेक सिजन ३० मिलियन पाउण्ड पाउने गरी चार बर्षे सम्झौता गर्ने बताईएको छ।
सन् २००९ मा इंग्लिस क्लब म्यानचेस्टर युनाइटेडबाट कीर्तिमानी मूल्यमा क्लब आएका रोनाल्डोको रियलसँगको अनुबन्ध सम्झौता अझै ३ बर्ष बाँकी रहेको छ।
रोनाल्डोले गत सिजन सन् २०२१ सम्मको लागि सम्झौता गरेका थिए। ३३ वर्षीय रोनाल्डो रियल मड्रिडका सर्वाधिक गोलकर्ता हुन्। पाँच पटकको बालोन डी’ओर बिजेता रोनाल्डोले रियललाई पाँच पटक च्याम्पियन्स लिग जिताउन महत्वपूर्ण भूमिका खेलेका थिए।
प्रकाशित: Dec 31, 2017| 18:23 आइतबार, पुस १६, २०७४