काठमाडौं- सरकारले भारतका लागि पूर्वप्रमुख निर्वाचन आयुक्त निलकण्ठ उप्रेतीलाई सिफारिस गरेको छ।
सोमबार बसेको मन्त्रिपरिषद् बैठकले उप्रेतीलाई सिफारिस गरेको हो। संसदीय सुनवाइपछि उनको नियुक्ति प्रकृया अघि बढ्नेछ। उप्रती लामो समय निर्वाचन आयोगमा आयुक्त तथा प्रमुख आयुक्तको जिम्मेबारी सम्हालेका थिए। उनकै नेतृत्वमा सम्पन्न चुनावबाट निर्वाचित संविधासभाले संविधान बनाएको थियो।
कांग्रेस कोटामा राजदूत भएका दीपकुमार उपाध्यायले राजीनामा दिएपछि भारतका लागि नेपाली राजदूतावास राजदूत विहीन भएको थियो।
कांग्रेस नेतासमेत रहेका उपाध्याय राजदूतबाट राजीनामा दिएर कपिलवस्तुबाट प्रतिनिधिसभा चुनाव लडेका थिए। तर, नेकपाका चक्रपाणि खनाल बलदेवसँग पराजित भए।
यस्तै उदयराज पाण्डेलाई मलेसियाका लागि नेपाली राजदूतमा सिफारिस गरिएको परराष्ट्रमन्त्री प्रदिप ज्ञवालीले जानकारी दिए। उनी यूएईका पूर्वराजदूत पनि हुन्।
प्रकाशित: Dec 31, 2017| 18:23 आइतबार, पुस १६, २०७४