काठमाडौं- नेपाली लेग स्पिनर सन्दीप लामिछाने क्यानडाबाट घर फिर्किने भएका छन्।
क्यानाडामा ग्लोबल टि-२० लिग क्रिकेट खेल्न गएका सन्दिप खेल सकेर नेपाल फर्किन लागेका हुन। क्यानडाको मोन्ट्रेयल टाइगर्सबाट खेलेका उनी शनिबार बिहान ८:५० बजे त्रिभुवन विमानस्थल झर्ने बताइएको छ।
पाँच खेल खेलेका सन्दीपले ८ विकेट लिएका थिए। पहिलो ३ खेलमा १-१ विकेट लिएका सन्दीपले अघिल्लो खेलमा २ विकेट लिएका थिए।
त्यस्तै आफ्नो अन्तिम खेलमा टप–अर्डरकै तीनवटा ब्याट्सम्यानका विकेट लिएका थिए। उनी ग्लोबल टि-२० लिग क्रिकेटका लागि असार १५ गते नयाँ दिल्लीबाट क्यानडा प्रस्थान गरेका थिए। ६ टिम सहभागी ग्लोबल लिग क्यानडास्थित टोरोन्टोको मप्ले लिफ क्रिकेट क्लबमा जुन २८ देखि शुरु भएको थियो।
प्रकाशित: Dec 31, 2017| 18:23 आइतबार, पुस १६, २०७४