पोखरा- गण्डकी प्रदेशको नाम तमुवान मगरात राख्नुपर्ने माग गर्दै गरिएको बन्दका कारण गण्डकी प्रदेशका ११ जिल्लाको जनजीवन प्रभावित भएको छ ।
तमुवान मगरात संघर्ष समिति र नेपाल आदिवासी जनजाति महासंघले गरेको बन्दले सोमबार बिहानैदेखि त्यस क्षेत्रमा गाडी चलेका छैनन् भने शिक्षण संस्था र कलकारखाना पनि बन्द भएका छन् । पोखरामा बिहानैदेखि वर्षा भएपनि बन्दकर्ताहरु बन्द सफल पारौँ भन्दै बजारका विभिन्न चोकमा उत्रिएका छन् ।
बन्दका कारण पोखराबाट धौरागिरी बाग्लुङ, मुस्ताङ, पर्वत म्यादी तनहुँ, स्याङजा, लमजुङ, गोरखा र कास्कीकै ग्रामीण भेगका लागि छुट्ने सार्वजनिक गाडी नचल्दा यात्रु मर्कामा परेका छन् । बन्दका कारण पर्यटकले समेत सास्ति पाएका छन् ।
बन्द अहिलेसम्म शान्तिपूर्ण नै रहेको कास्की प्रहरीले जनाएको छ । प्रदेशसभा बैठकले साविक प्रदेश नं ४ को नाम गण्डकी राख्ने प्रस्तावलाई गत शुक्रबार दुई तिहाई बहुमतले पारित गरेको थियो ।
प्रकाशित: Dec 31, 2017| 18:23 आइतबार, पुस १६, २०७४