काठमाडौं- १० वर्षे जनयुद्ध लडेर घर फर्किएकी एउटी युवतीले भोगेको दुःखहरू, गाउँमा काजी भनाउदाहरूले गरेको शोषण त्यसै सिलसिलामा काजीका छोरासँग भएको प्रेम कथा रहेको ‘मायासे लासी’ नामको तामाङ चलचित्रसँगै ३ दिने आदिवासी जानजाति चलचित्र महोत्सवको समापन भएको छ।
आदिवासी जनजातिको भाषा संस्कृतिलाई चलचित्रमार्फत प्रवर्दन गर्ने मूख्य उद्देश्यका साथ नेपाल आदिवासी जनजाति चलचित्र महोत्सव गरिएको थियो।
आदिवासीहरूको कला संस्कृति र परम्परागत रहनसहनलाई आम मान्छेसम्म पुर्याउदै आन्तरिक तथा बाह्य पर्यटक भित्राउने सोचका साथ आदिवासी जनजाति चलचित्र महोत्सव गरिएको थियो । आदिवासी जनजाति कला संस्कृतिको पहिचान र उत्थानमा यस्ता चलचित्र महोत्सवले टेवा पुर्याउने अध्यक्ष अमृत बहादुर सुनुवारले बताए।
तीन दिने महोत्सवमा १४ ओटा लामा र छोटा चलचित्र प्रदर्शन गरिएको थियो । कमल पोखरी, रैयाँ, मन्दरा, टुटल जिन्दगी, तापलय, दुलारी, मैरिमो, गो सु नङा, टिन्छेन फमा, तमसुक, पा, लदी पूजा, ढु्वाङकमु र माया सेलासी नामकका चलचित्र समेटिएको थियो ।
राष्ट्रले सम्बन्धित समुदायका कला संस्कृतिलाई प्रर्वधन गर्न सहयोग पुर्याओस् भन्ने हेतुले पनि चलचत्रि महोत्सवको आयोजना गरेको बताए अध्यक्ष अमृत बहादुर सुनुवारले।
महोत्सबमा आदिवासी जनजाति समुदायमा भएका कलासंस्कृति र जीवनका पाटाहरू पर्गेल्ने कथानक चलचित्रहरू प्रदर्शन गरिएको थियो । नेपालमा उद्योगको सम्भावना हुँदाहुदै पनि पर्यटक सम्बन्धित समुदायमा भित्राउन नसकेको र यस्ता महोत्सवले पहल गर्न बताए उनै अध्यक्षले।
आदिवासी जनजाति चलचित्र निरन्तर बनिरहेको छ । तर हल नपाइरहेको गुनासो गर्दै रंगकर्मी सिर्जना बस्नेत भन्छिन्, ‘आदिवासी जनजाति चलचित्र हलमा लाग्न नपाइरहेको बेला यस्तो महोत्सवले धेरै सकारात्मक भुमिका खेल्छ र मुभमेन्टको रूपमा पनि महोत्सव रहन सक्छ ।’
महोत्सवको अन्तिम दिन पब्लिक च्वाइसमा परेका केही उत्कृष्ट चलचित्रलाई अर्वाड र पुरस्कार समेत वितरण गरिएको थियो।
नेपाल आदिवासी जनजाति चलचित्र महोत्सव मुख्य आयोजक थियो भने सहआयोजक १३ ओटा आदिवासी जनजाति संघसंस्थाहरू थिए । महोत्सवको समापन सन्चार मन्त्री गोकुल प्रसाद बाँसकोटाले गरेका थिए।
प्रकाशित: Dec 31, 2017| 18:23 आइतबार, पुस १६, २०७४