सोलुको खाप्ला भिरमा जिप खस्यो : ७ जनाको मृत्यु

सोलुखुम्बु- सोलुखुम्बुको दुधकुण्ड नगरपालिका- ११ बरबोटमा जिप दुर्घटना हुँदा ७ जनाको मृत्यु भएको छ । बिहीबार बिहान नेचा सल्यानबाट काठमाडाैँ जाँदै गरेको ना १ ज १८६० नम्बरको जीप तिङलास्थित खाप्ला भिरमा खसेको हो । 

दुर्घटना भएको करिब २ घण्टा पछि घटनास्थलमा पुगेको प्रहरीले उनीहरुको शव बाहिर निकालेको छ ।

दुर्घटनामा स्थलबाट एक बालकको घाइते अवस्था उद्धार गरिएको जिल्ला प्रहरी कार्यालय सोलुखुम्बुका इस्पेक्टर प्रधुम्न अधिकारीले जानकारी दिए । उनलाई उपचारका लागि मिनस अस्पताल ओखलढुंगा लगिएको बताइएको छ ।

जीपमा आठ जना सवार रहेको बुझिएको छ । तिङ्ला र सल्यानको सिमानामा पर्ने गुप्तेश्वर महादेवको मन्दिर नजिकबाट जीप करिब १ हजार मिटर तल खसेको अनुमान गरिएको छ ।

मृतक सातै जनाको सनाखत हुन सकेको छैन्। घटना बारे थप विवरण संकलनको काम भइरहेको  इस्पेक्टर अधिकारीले बताएका छन् ।