सेनेगलविरुद्ध कोलम्बियाले दोस्रो हाफमा अग्रता

काठमाडौं-  विश्वकप फुटबलको समूह ‘एच’ मा जारी खेलमा सेनेगलविरुद्ध कोलम्बियाले दोस्रो हाफमा १–० गोलको अग्रता बनाएको छ । खेलको ७४ औं मिनेटमा एरी मिनाले गोल गर्दै कोलम्बियालार्इ दोस्रो हाफमा अग्रता दिलाएका हुन्।

सेनेगल र कोलम्बियाले पहिलो हाफसम्म गोलरहित बराबरी खेलेका थिए। रसियाको समरा एरिनामा भएको खेलमा दुबै टिमले गोल गर्ने राम्रो अवसर खेर फालेका थिए । कोलम्बियाले यही अग्रता कायम राखेमा शिर्ष १६ मा पर्ने सम्भावना कायमै रहनेछ।
 
सेनेगललार्ई पराजित गरेको खण्डमा र उता पोल्याण्डले जापानलाई पराजित गरेको खण्डमा कोलम्बियाले समूह एचको विजेता बन्नेछ। 

यसअघि २ खेल खेलेको सेनेगलले एक खेलमा बराबरी खेलेको छ भने एक खेल जितेको छ । पोल्यान्डलाई २-१ गोलले परजित गरेको सेनेगलले जापानसँग २–२ गोलको बराबरी खेल्दै ४ अंक बटुलेको छ।

यता, दुई खेल खेलेको कोलम्बियाले पनि एक खेलमा जित हात पारेको छ भने एक खेलमा पराजित भएको छ । कोलम्बिया जापानसँग २-१ गोलले पराजित भएपनि पोल्यान्डलाई भने ३-० गोलले पराजित गर्दै ३ अंक जोडेको छ।