काठमाडौं- विश्वकप अर्न्तगको जारी समुह चरणको खेलमा जापान विरुद्ध पोल्याण्डले १-० को अग्रता लिएको छ ।
विश्वकप फुटबलको समूह ‘एच’ मा को खेलमा जापानविरुद्ध पोल्यान्डले दोस्रो हाफमा १–० गोलको अग्रता बनाएको हो । खेलको ५९ औं मिनेटमा जान बेडनारेकले गोल गर्दै पोल्यान्डलाई दोस्रो हाफमा अग्रता दिलाउन सफल भए । बेडनारेकको यो पहिलो अन्तर्राष्ट्रय गोल हो ।
जापान र पोल्यान्डले पहिलो हाफसम्म गोलरहित बराबरी खेलेका थिए । रसियाको भोल्गोग्राड एरिनामा भएको खेलमा दुबै टिमले गोल गर्ने राम्रो अवसर खेर फालेका थिए । पोल्याण्डले यही अग्रता कायम राखेमा जापानले समूह ‘एच’ कै सेनेगल र कोलम्वियाबिचको खेलको नतिजा पर्खनु पर्ने छ।
पोल्यान्डलाई पराजित गरेको खण्डमा जापान समूह एचको विजेता बन्नेछ । विश्वकपको नकआउट चरणमा पुग्नका लागि यो खेलमा जापानले पोल्यान्डसँग बराबरी खेलेपनि पुग्नेछ।
यसअघि समूह चरणमा जापानले १ खेलमा जित र एक खेल बराबरी खेलेको छ। समूह चरणको पहिलो खेलमा जापानले कोलम्बियालाई २—१ गोलले पराजित गरेको थियो । दोस्रो खेलमा जापानले सेनेगलसँग २—२ को बराबरी खेल्दै ४ अंक बटुलेको थियो।
यता, पोल्यान्ड भने यसअघि नै दुवै खेलमा पराजित हुदै समूह चरणबाटै बाहिरिसकेको छ। पोल्यान्डले पहिलो खेलमा सेनेगलसँग २—१ गोलको पराजय भोगेको थियो । त्यस्तै, दोस्रो खेलमा पोल्यान्ड कोलम्बियासँग ३—० गोल अन्तरले पराजित भएको थियो।
प्रकाशित: Dec 31, 2017| 18:23 आइतबार, पुस १६, २०७४