काठमाडौं- साविक विजेता जर्मनी विश्वकप फुटबलको समुह चरणबाटै बाहिरीए पछि टिम र उसका फ्यानमा जति पिडा देखिन्छ त्यो भन्दा ज्यादा तनावमा प्रशिक्षक देखिएका छन् । कोरियासंगको लज्जास्पद पछि जर्मनीका प्रशिक्षक योचिम लोउ ठूलै तनावमा परेका हुन् ।
अघिल्लो पटक विश्वकप जितेको देश समुह चरणबाटै बाहिरीनु आफैमा सुखद होइन त्यो माथि १२ वर्षदेखि प्रशिक्षकको भूमिकामा रहेका लेउका लागि झनै पिडादायक बन्यो यो विश्वकप । उनी जर्मनी समुहचरणबाट बाहिरीए लगतै राजिनामा गर्ने मुडमा पुगेका छन् ।
समुह चरणको अन्तिम खेलमा दक्षिण कोरियासंग २–० को लज्जास्पद हार ब्यहोरेपछि प्रशिक्षक लेउले पोष्ट म्याचमा आफ्नो पदका बारेमा चाँडै निर्णय गर्ने बताए ।
निकै निरास मुद्रामा देखिएका ५८ बर्षिय लोउले आफुले जिम्मेवारी पुरा गर्न सक्ने नसक्ने कस्तो ब्यक्ति हो भन्ने विषयमा सोचमग्न भएको बताए ।
खेलपछिको अन्तर्वार्तामा उनले विश्वकपबाट टिम बाहिरिनु मेरो जिम्मेवारी हो, त्यसैले म एक रात सुत्न चाहन्छु । भविष्यको निर्णय गर्न अलि हतार हुन सक्छ । मलाई केही समय चाहिएको छ । चाँडै नयाँ खवर लिएर आउनेछु ।
उनले गत महिनामात्र सन् २०२२ मा कतारमा हुने विश्वकपसम्म जर्मनी टोली सम्हाल्ने निर्णय गरेका थिए ।
प्रकाशित: Dec 31, 2017| 18:23 आइतबार, पुस १६, २०७४