प्रेमिसंग मिलेर श्रीमानको हत्या

धनगढी- कैलालीमा एक महिलाले प्रेमीसँग मिलेर श्रीमानको हत्या गरेकी छिन् । कञ्चनपुरको पुनर्वास नगरपालिका–२ की लक्ष्मी बडेलाले आफ्नो प्रेमीसँग मिलेर श्रीमान तेजबहादुर विष्टको हत्या गरेको प्रहरीले जनाएको छ  । 

कैलाली प्रहरीले दिएको जानकारी अनुसार कैलालीको गोदावरी नगरपालिका–१० माइती घर भएकी लक्ष्मीले गोदावरी–१२, खमौरा घर भएका प्रेमी दीपक खत्रीसँग मिलेर श्रीमाने हत्या गरेकी हुन् । 

जिल्ला प्रहरी कार्यालयका सुचना अधिकारी प्रहरी नायव उपरीक्षक हरी वलीले लक्ष्मीले प्रेमीसँग मिलेर बिष्टलाई भासु भिरबाट तल खसालेर हत्या गरेको जानकारी दिए ।

प्रहरीका अनुसार असार ८ गते श्रीमती लक्ष्मीसहित तेजबहादुर ससुराली गएका थिए । सोही रातिदेखि तेजबहादुर वेपत्ता भए । सुरुमा आफन्तले खोजी गरेपनि फेला नपरेपछि दुई दिनपछि असार १० गते प्रहरीलाई खबर गरे । 

प्रहरीले अनुसन्धान थाल्दा ८ गते राति तेज बहादुरलाई घुम्न जाने बहानामा भिमदत्त राजमार्गको चुरे क्षेत्रमा पर्ने भासु भिरमा पु¥याएर रडले टाउकोमा हानेर उनी सवार म १ प ७४७७ को मोटरसाइकलसहित तल खसालेर फर्किएको भेटिएको छ । 

प्रहरीले सडकबाट करिव एक सय मिटर तल मोटरसाईकल र करिव दुई सय मिटर तल शब फेला पारेको जनाएको छ । शव र मोटरसाईकल भर्खरै धनगढी ल्याईपु¥याईएको छ । 

प्रहरीले बिष्ट वेपत्ता भएको खबर पाएलगत्तै दुवै जनामाथि अनुसन्धान थालेको थियो । उनीहरुकै बयानका आधारमा प्रहरी घट्नाको नजिक पुगेको हो । 

प्रहरीका अनुसार अनुसार दीपक र लक्ष्मीले पहिलादेखि नै एकअर्कालाई मन पराउँथे । लक्ष्मीले दीपकसँग विवाह गर्न चाहेपनि परिवारले नमानेर विष्टसँग विवाह गरिदिएका थिए । उनीहरुको गत बैशाखमा मात्र विवाह भएको खुलेको छ ।