डिफेन्डिङ च्याम्पियन सिमोना हालेपले विम्बल्डन नखेल्ने

काठमाडौं- डिफेन्डिङ महिला च्याम्पियन सिमोना हालेपले विम्बल्डनबाट आफ्नो नाम फिर्ता लिएकी छन्। उनले खुट्टाको चोटका कारण प्रतियोगिताबाट आफ्नो नाम फिर्ता लिएकी हुन्।

२९ वर्षीया रोमानियन खेलाडीले इटालियन ओपनमा चोट बोकेकी थिइन्। त्यस्तै उनी फ्रेन्च ओपनबाट पनि बाहिर थिइन्। विश्व वरियताको तेस्रो नम्बरकी हालेपले यो वर्ष पनि उपाधि रक्षा गर्ने विश्वास गरिएको थियो।

तर उनले प्रतियोगिताबाटै आफ्नो नाम फिर्ता लिएकी छन्। उनले आज शुक्रबार हुन लागेको फिक्चरअघि मात्र आफ्नो नाम फिर्ता लिएकी हुन्।

‘दुई वर्षअघिको अविस्मरणीय क्षणका कारण विम्बल्डन खेल्नका लागि मैले गर्न सक्ने जति सबै गरेकी थिएँ,’ उनले भनेकी छन्।

उनले थपिन्, ‘मेरो शरीर खेलका लागि उपयुक्त नभएकाले दुर्भाग्यवश् मैले यस्तो सुन्दर प्रतियोगिताबाट आफ्नो नाम फिर्ता लिनु परेको छ।’

उनले आफू अघिल्लो संस्करणको पर्खाइमा हुने पनि बताएकी छन्। यसअघि दोस्रो वरियताकी जापानी खेलाडी नाओमी ओसाकाले पनि विम्बल्डनबाट नाम फिर्ता लिएकी छन्।