काठमाडौं- संविधानविद् टीकाराम भट्टराईले राष्ट्रपति र प्रधानमन्त्रीले संविधान र प्रतिनिधिसभाको हत्या गरेर आफ्नो अनुकूल हुने निर्णय गरेको टिप्पणी गरेका छन्।
प्रतिनिधिसभा विघटनविरुद्धको मुद्दामा संवैधानिक इजलासमा बहस गर्दै भट्टराईले यस्तो बताएका हुन्।
‘संविधानको धारा ७६ को उपधारा ५ पटकपटक एकै ब्यक्तिलाई प्रधानमन्त्री बनाउनका लागि होइन,’उनले भने,‘प्रधानमन्त्री र राष्ट्रपतिले अनेक तिग्डम गरेर संविधानका सबै धारा अनुसार आफै प्रधानमन्त्री बनाउने बदनियतका साथ काम गरेका छन्।’
उपधारा ५ बमोजिम विश्वासको मत दिदा दलको ह्वीप लाग्दैन स्वतन्त्र जनप्रतिनिधि भए पुग्छ भन्दै उनले राष्ट्रपतिले को कुन दलको भनेर कसरी सबैलाई चिन्नुभयो भन्दै प्रश्न गरे।
‘विद्यादेवी भण्डारीले को कुनको दलको हो भनेर चिन्न सक्छिन तर राष्ट्रपतिले सक्नु हुन्न,’उनले भने,‘बहुमत सदस्य आएपछि प्रधानमन्त्री नियुक्त गर्नुपथ्र्यो।’
धारा ७६ को ५ संसद बचाउने अन्तिम उपायका रुपमा संविधानमा राखिएको उनले प्रष्ट पारे। प्रधानमन्त्री पदका लागि दाबी गरेकाहरूमध्ये कसैलाई पनि नियुक्त नगर्ने अधिकार राष्ट्रपतिसँग नभएको उनको जिकिर छ।