क्लब हाउसमा प्रहरीको फोटो दुरुपयोग गर्ने ईशान पक्राउ

काठमाडौं– सामाजिक सञ्जाल क्लब हाउसमा प्रहरी अधिकृतका फोटो दुरुपयोग गरेको आरोपमा भक्तपुरबाट सोमबार एकजना पक्राउ परेका छन्। पक्राउ पर्नेमा चाँगुनारायण नगरपालिका वडा नम्बर ६ खरिबोटका २० वर्षीय ईशान लामिछाने रहेको प्रहरीले जनाएको छ।

उनीमाथि नेपाल प्रहरी तथा प्रहरी अधिकृतको फोटो दुरुपयोग गरी नक्कली प्रोफाइल बनाएको आरोप छ। लामिछानेलाई अदालतबाट सात दिन म्याद लिएर आवश्यक अनुसन्धान भइरहेको नेपाल प्रहरीको साइबर ब्युरोका प्रहरी वरिष्ठ उपरीक्षक नविन्द अर्यालले जनाएका छन्।