काठमाडौं– काठमाडौं उपत्यकामा भोलि मंगलबारदेखि निजी सवारीसाधन सञ्चालनमा जोरबिजोर प्रणाली लागू हुने भएसँगै टुटल, पठाओजस्ता राइड सेयरिङ बिजनेस पनि चल्ने भएका छन्।
टुटलका संस्थापक शिक्षित भट्टले आफूहरुले एप सञ्चालन गर्ने र एपमा दर्ता भएका सवारीसाधनले सेवा दिन सक्ने बताए। टुटल, पठाओ पनि जोरबिजोर नम्बरकै आधारमा चलाउन पाइनेछ।
आइतबार उपत्यकाका जिल्ला प्रशासन कार्यालयहरुले निश्चित संख्यामा यात्रु राखेर ट्याक्सी र कार समेत सञ्चालन हुन दिने निर्णय गरेका थिए।