जगदम्बा स्टिल्सको भट्टी विस्फोटमा दुई जनाको मृत्यु

काठमाडौं– बाराको सिमरामा रहेको जगदम्बा स्टिल्सको भट्टी विस्फोट हुँदा दुई जनाको मृत्यु भएको छ। मृत्यु हुनेमा दुवै जना भारतीय रहेको प्रहरीले जनाएको छ।

आइतबार साँझ करिब साढे ८ बजे भएको विस्फोटमा परेर भारत बिहारका दुई मजदुरको मृत्यु भएको इलाका प्रहरी कार्यालय सिमराले जानकारी दिएको छ। घटनामा अन्य चार जाना घाइते भएका छन्। उनीहरुको अवस्था गम्भीर रहेको बताइएको छ। घाइतेकाे नजिककाे स्वास्थ्य केन्द्रमा उपचार भइरहेकाे छ।