काठमाडौं– वाणिज्य आपूर्ति तथा उपभोक्ताहीत संरक्षण विभागले निषेध आदेश अवधिमा २०३ फर्ममा अनुगमन गरेको जनाएको छ। विभागले निषेध आदेश सुरु भएको मिति वैशाख १६ देखि जेठ मसान्तसम्म २०३ फर्ममा अनुगमन गरेको हो।
अनुगमन गरिएका फर्ममध्ये ९७ वटालाई जरिवाना गरिएको विभागले जानकारी दिएको छ। जरिवानावापत १३ लाख ९६ हजार रुपैयाँ राजश्व संकलन गरिएको विभागको भनाई छ। सो अवधिमा एउटा व्यावसायिक फर्मको कारोबार रोक्का गरिएको विभागले जानकारी दिएको छ।
म्याद नाघेर खान नमिल्ने भएका ३० हजार रुपैयाँ बराबरका वस्तु नष्ट गरिएको विभागको भनाइ छ। विभागले निषेध आदेश अवधिमा खाद्यान्न र स्वास्थ क्षेत्रलाई प्राथमिकतामा राख्दै अनुगमन गरिएको बताएको छ।