धनगढी- लागुऔषध खैरो हेरोइनसहित कञ्चनपुर प्रहरीले दुई जना युवालाई पक्राउ गरेको छ। पक्राउ पर्नेमा जिल्लाको शुक्लाफाँटा नगरपालिका–१० झलारीका २४ वर्षीय महेश चौधरी र लालझाडी गाउँपालिका–२ का २५ वर्षीय रणबहादुर चौधरी रहेको प्रहरीले जनाएको छ।
उनीहरूलाई बेलौरी नगरपालिका–६ विद्यानगरबाट १२.३५ ग्राम लागुऔषध खैरो हेरोइनसहित पक्राउ गरिएको जिल्ला प्रहरी कार्यालय कञ्चनपुरका प्रवक्ता प्रहरी नायव उपरीक्षक अमरबहादुर थापाले बताए।
सु.प.प्र. ०२–००३ प ६७२४ नम्बरको मोटरसाइकलमा सवार उनीहरूमाथि शंका लागेर चेकजाँच गर्दा प्रहरीले लागुऔषध बरामद गरेको हो।