धनगढी- लगातारको वर्षाका कारण डोटीको जोरायल गाउँपालिका-१, गैराभन्दा अगाडि पहिरो गएको छ। पहिरो जाँदा सुदूरपश्चिमका सात पहाडी जिल्ला जोड्ने भीमदत्त राजमार्ग अवरुद्ध भएको छ।
भर्खरै सडक माथिबाट आएको पहिरोका कारण राजमार्ग अवरुद्ध भएको प्रहरी चौकी गैराले जनाएको छ।
पहिरोले राजमार्ग अवरुद्ध भएपछि अहिले तराईबाट पहाडका लागि अत्यावश्यक सामग्री लिएर गइरहेका सवारीसाधन बीच बाटोमै रोकिएका छन्।
अहिले डोजरले पहिरो पन्छाउने काम भइरहेको बताइएको छ।