धनगढी- कञ्चनपुरमा लागुऔषध खैरो हेरोइनसहित कैलालीका दुई जना पक्राउ परेका छन्।
पक्राउ पर्नेमा कैलालीको गोदावरी नगरपालिका–५ गेटाका २८ वर्षीय सुरेन्द्र विष्ट र सोही ठाउँ बस्ने २२ वर्षीय सन्तोष राना रहेको प्रहरीले जनाएको छ।
उनीहरुलाई कञ्चनपुरको बेलौरी नगरपालिका–८ पचुंईबाट पक्राउ गरिएको जिल्ला प्रहरी कार्यालय कञ्चनपुरका प्रवक्ता प्रहरी नायव उपरीक्षक अमरबहादुर थापाले बताए।
उनीहरुको साथबाट ९.०८० ग्राम लागुऔषध खैरो हेरोइन बरामद भएको थापाले बताए। उनीहरुलाई नियन्त्रणमा लिएर थप अनुसन्धान भइरहेको उनले बताए।