कोपा अमेरिका उद्घाटन : संक्रमणले ग्रसित भेनेजुएलाविरुद्ध ब्राजिलको सहज जित

काठमाडौं– एकैपटक टिमका आठ खेलाडी र चार अफिसियललाई कोभिड-१९ को संक्रमण देखा परेपछि आक्रान्त बनेको भेनेजुएलाविरुद्ध ब्राजिलले सहज जित निकालेको छ।

सोमबार बिहानबाट ब्राजिलमा सुरु भएको कोपा अमेरिकाको उद्घाटन खेलमा घरेलु टिम ब्राजिलले भेनेजुएलाविरुद्ध ३–० गोलको सहज जित निकालेको हो।

ब्राजिलको जितका लागि माक्विन्होस, नेयमार र ग्याब्रियल बार्बोसाले गोल गरेका थिए।

पहिलो हाफको २३ औं मिनेटमै माक्विन्होसले गोल गरेपछि ब्राजिलले अग्रता बनाएको थियो। पहिलो हाफमा एक गोल गरेको ब्राजिलले दोस्रो हाफमा दुई गोल थप्यो।

६४ औं मिनेटमा पेनाल्टीको सदुपयोग गर्दै नेयमारले २–० अग्रता बनाए भने भेनेजुएलाविरुद्ध एक मिनेट बाँकी रहँदा बार्बोसाले गोल गरे।

यससँगै खेलको ६२ प्रतिशत समय बलमा नियन्त्रण बनाएको ब्राजिलले तीन अंक बनाएको छ। ​समूह ए मा रहेको ब्राजिल यो जितसँगै शीर्षस्थानमा छ। समूह सी मा कोलम्बिया, इक्वेडर र पेरु पनि सम्मिलित छन्।