काठमाडौं- नेपाली कांग्रेसका बागमती प्रदेश सांसद नरोत्तम वैद्यले आज आफ्नो विवादित अभिव्यक्ति फिर्ता लिँदैछन्।
चौतर्फी आलोचना र पार्टीले समेत अभिव्यक्ति फिर्ता लिन निर्देशन दिएपछि आज बिहान ११ बजे बस्ने बैठकमा उनले आफूले दिएको विवादित अभिव्यक्ति फिर्ता लिने भएका हुन्।
वैद्यले अभिव्यक्ति फिर्ता लिएर आत्मालोचना गर्ने बताएका छन्। उनले आफू भावनामा बहकिएर त्यस्तो अभिव्यक्ति दिएको बताए।
वैद्यले प्रधानमन्त्री केपी शर्मा ओलीले सत्ता जोगाउन जस्तोसुकै सम्झौता गरेको आरोप लगाउँदै ओलीविरुद्ध आफू नाथुराम गोड्से बन्न तयार रहेको बताएका थिए। महात्मा गान्धीलाई गोली हानेर हत्या गर्ने व्यक्ति हुन्, गोड्से।