सुर्खेत- जाजरकोटमा पौडी खेल्न गएकी एक बालिकाको मृत्यु भएको छ। मृत्यु हुनेमा रुकुमपश्चिमको चौरजहारी नगरपालिका–१२ दुरनेटाका ११ वर्षीया गीता डाँगी छन्। भेरी नदीमा पौडी खेल्नेक्रममा उनको मृत्यु भएको जाजरकोट प्रहरीले जनाएको छ।
उनीसँगै पौडी खेल्न गएकी १६ वर्षीया दीपा डाँगी बेपत्ता छिन्। जाजरकोटका डीएसपी मधुकुमार थापाका अनुसार बेपत्ताको स्थानीय र जाजरकोट प्रहरीले खोजी गरिरहेको छ। उनीहरुसँगै पौडी खेल्न गएका रामबहादुर डाँगी भने घाइते भएका छन्।
गर्मी बढेपछि बिहान ११ बजेतिर जाजरकोटको भेरी नगरपालिका–१ रावतगाउँ नजिकै पौडी खेल्न गएका थिए।